Qirg‘izistonlik, Crosspoint va Capital Group kompaniyalar guruhi rahbari Ro‘zioxun Saidazimov (Azim Roy) qariyb 30 yildan beri xayriya ishlari bilan shug‘ullanib keladi. Uning yordami, ayniqsa, o‘zi tug‘ilib o‘sgan Panfilov tumanidagi Choldovar qishlog‘ida yaqqol seziladi.
Pandemiya avjiga chiqqan bir paytda, ko‘plab qishloq ahli daromadidan ayrilganida, homiy birinchi ehtiyoj mahsulotlarini o‘z ichiga olgan insonparvarlik yordamini yetkazib berishni tashkil qildi. Bundan tashqari, u tez yordam mashinasini sotib olish uchun mablag‘ ajratdi: 4 ming dollar yetmayotgan edi va tadbirkor bu haqda eshitgach, darhol yetishmayotgan summani o‘tkazib berdi. Shu tufayli endi Choldovarning o‘z tez yordam mashinasi bor.
Ro‘zioxun Saidazimov shoshilinch tibbiy yordamdan tashqari ijtimoiy himoyaga muhtoj oilalarni ham qo‘llab-quvvatlaydi. Jumladan, 150 ta kam ta’minlangan oilaga 5 ming somdan tarqatildi, yana 250 kishiga esa shakar, yog‘ va un berildi. Mahalliy aholining ta’kidlashicha, bunday keng ko‘lamli yordam ular uchun haqiqiy najot bo‘lib, og‘ir kunlardan omon qolishlariga imkon bergan.